اتعرف على الطريقة الصحيحة عشان ترضي الناس

اتعرف على الطريقة الصحيحة عشان ترضي الناس

احنا بنحاول طول الوقت اننا نرضى اللى حولينا بأى طريقة اراديا ولا اراديا .

اللبس اللى بنلبسة ... شعرنا .. شكلنا ... ابتسامتنا .... الخ

كلها حاجات بنهتم بيها لهدف واحد .. ان الناس تتقبلك .

 فى ملااااايين من البشر عاشوا حياتهم كلها للهدف دة وبس . كلنا بندور ازاى الناس تحبنا وازاى الناس تحترمنا وتقدرنا ودة سهل اووووى

الحاجة اللى لازم تعملها علشان ترضى الناس هى (........)

ايوة بالظبط كدا زى ما حضرتك شايف فوق كدا ..فرااااااااااااغ

ولا اى حاجة .. اه والله ولا اى حاجة مستحيل انك تلاقى طريقة تقدر بيها انك تخلى كل الناس تحبك لان الناس مختلفين عن بعضهم .. مختلفين فى اللغة .. فى الزوق ... فى الاهتمامات

الناس بيحبوا حاجات مختفلة وبيكرهوا حاجات بردوا مختلفة .. دى الحقيقة  J

صورتك الذاتية :

مش معنى الكلام اللى قولته فوق دة انك تتجاهل الناس كلها وترفض التواصل معاهم .

لا انا حبيت بس اوضحلك حاجة مهمة :

 " هو ان تَقبل الناس ليك او عدم تقبلهم ملهوش اى علاقة بنظرتك وتقديرك لنفسك "

فى ناس بيستمدوا احترامهم وتقديرهم لنفسهم من نظرة الناس ليهم ودى تبقى مصيبة .

الناس دى بيجى عليهم وقت يهتموا بنفسهم للناس بس .. مش بيهتموا بنفسهم لنفسهم وهيفضل اهتمامهم للناس .. اعمل الحاجة اللى تحسسك بالسعادة مش تعملها علشان شكلك قدام الناس

 متعملش حاجة علشان الناس يشوفوها لا اعملها علشان نفسك انت .

لو حطيت نفسك فى دايرة الناس مش هتستمتع بأى حاجة فى حياتك

حط الناس فى اعتبارك لان صورتك الاجتماعية مهمة بس انا بحاول اوصلك ان متخليش الناس المصدر الوحيد لاحترامك لنفسك .

متخليش سعادتك متعلقة بين ايد الناس لان محدش هيدهالك غيرك  انت  J

الكاتب : ماجي عزت

المقال يعبر عن رأي الكاتب ولايعبر بالضرورة عن رأي الموقع

شاهد ايضا :

-الاسباب التى قد لا تجعلك تضع اهداف لحياتك

-نصائح هامة لنسيان الحبيب - خطوات مهمة للخروج من صدمة الحب والانفصال - طريقة نسيان شخص تحبه

-متخسرش صاحبك اللي بيحبك - قصة ونصيحة

- نصائح هامة لنجاح فترة الخطوبة وتجنب المشاكل

- لما تعامل حد بنفس طريقته معاك بيستغرب معاملتك ليه ؟ اجابة ونصيحة

- نصائح هامة للتخلص من ادمان المواقع الإباحية - طريقة بسيطة للتخلص من ادمان المواقع الإباحية

- نصائح هامة للشباب قبل مقابلة ( جواز الصالونات ) زواج الصالونات