ازاى تكسب قلب حد بتحبه
(2) فى كل مرة تقابله فيها هاتله شيكولاتاية و وردة
وامسك أى ورقة معاه واكتبله فيها بحبك بقى
(3) أول ما تشوفه ما تسلمش عليه بالايد وخلاص اجرى عليه احضنه
وكأنك مشفتوش من زمان حتى لو كنت سايبه منساعة
حسسه انه يفرق معاك وانه مش ذى بقية الناس;)
(4) كن أول واحد يفتكرمنسباته المهم ذى عيد ميلاده
وفى العيد اديله عيدية وقوله
" على فكرة أنا سرقتهم من ورا ابويا امبارح أىخدعة يا كبير "
(5) حاول يكون بينكو مواقف كوميدية كتير وصور فى لحظات الهبل
عشان لو يوم زعلتو من بعض تفكره بيها يضحك على طول
(6) حاول تعزمه على أكتر أكلة بيحبها حتى لو مش معاك فلوس كتير
وكرر دى أكتر من مرة وابتسم فى وشه وهو بياكل
أكله من سندوتشك وكل بعديه بس وانت بتاكل قوله
" ايه القرف دى هاكل وراك ازاى يعنى "
خليه يضحك من قلبه بجد عرفه ان روحكو واحدة ومفيش فرق بينكو
وصله رسالة " كل كأنى كلت "
(7) لو يوم تعب متسبهوش لو يوم صوته بقى عالى
هديه ومتعليش صوتك قصاده واياك تقول اى كلمة تقلل من قيمته
أو تحرجه ادام الناس خليه دايما يشوفك فى أحسن صورة
(8) لو يوم لقيته بيبكى خده فى حضنك وحسسه ان لسه فى أمل فى الدنيا
وامسح بايدك دموعه واديله أكبر وقت من حياتك تسمعه أما يشكى
ومتقفلش بابك فى وشه أبدا يمكن انت أخر أمل ليه فى الدنيا
(9) أوعى لو قالك ابعد عنى تاخد على خطرك وتمشى وتزعل
ساعات العقل بيدى اشارات للانسان يقول حاجات ومبيبقاش عارف هو بيقول ايه بس انت خليك واثق فى نفسك شوف قلبه الأبيض دى بيقولك ايه صدقنى هتلاقيه بيقولك متسبنيش انا محتاجلك أوى فى حياتى
