سألنا الشباب ايه الفرق بين الحب والاعجاب ؟
وهنعرض في الموضوع ده بعض الاجابات
- الاعجاب انك تتشد لشخص لكن الحب انك تقبل الشخص ده بكل عيوبه
- انا شايف ان الاتنين مفيش فرق بينهم لان الاعجاب جزء من الحب .
يعنى هتقابل حد هتلاقى نفسك معجب بيه وده بداية الحب لانك هتلاقى نفسك بتهتم بالشخص ده وقتها هتقدر تعرف عيوبه ومميزاته وانا اقصد انى اقول عيوبه الاول عشان ده الحب انك تقابل عيوبه وتشوفها ميزه فيه وتحبها كمان والحب احترام وخوف ولهفه وانه كل حاجه ف حياتك كلها .
شاهد ايضا ازاى تكسب قلب حد بتحبه
- الاعجاب انك تعجب بشخص من كلامه و من شخصيتة مثلا او من ملابسه. اما الحب هو مشاعر بتشعر بيها بالشخص اللى قدامك بجد واكيد هتحبه من قلبك بمميزاته وعيوبه .
- الاعجاب ده جزء من الحب وممكن يستمر او ميستمرش وده بيحصل وبيتحدد علي حسب كل علاقة . لكن الحب هو استمرار للاعجاب الي ان وصل لمرحلة الحب وتقبل الشخص بكل مميزاته وعيوبه .
- الحب احساس ومشاعر الاعجاب شكليات فقط لاغير
- الحُبّ ُ: هو شعور بالانجذاب والإعجاب نحو شخص ما، أو شيء ما، وقد ينظر إليه على أنه كيمياء متبادلة بين إثنين، ومن المعروف أن الجسم يفرز هرمون الأوكسيتوسين المعروف بـ "هرمون المحبين" أثناء اللقاء بين المحبين. المصدر ويكيبيديا
دي كانت بعض اجابات الشباب وفي نهاية الموضوع بنطرح نفس السؤال عليك
ايه الفرق بين الحب والاعجاب من وجهة نظرك ؟
في انتظار اجابتك في صندوق التعليقات
