لماذا الإقتصاد المصري لا يتأثر بالاقتصاد العالمي ؟
لأن مصر لا تملك اقتصاد فعلي ، مصر ليست زراعية أو صناعية ، و حجم اتفاقاتها الاقتصادية مبنية علي الاستيراد و ليس التصدير و بالتالي لما حصلت أزمة اقتصادية عالمية و انهار وول ستريت ، مصر لم تتأثر حقيقي .
آمال ازاي بنتاثر بسعر الدولار و اختلاف العملة عالميا ؟
- لأن زي ما قولت كده احنا بنعتمد علي الاستيراد و لا نعملك صناعة تغطي احتياجات السوق ، فنحن نتبع اقتصاد دول كبري و مرتبطين بسعر الصرف العالمي الخاص بيها ، كمان لازم نفهم أن سعر الصرف غير مرتبط بالاقتصاد بشكل مباشر ، عندك مثلا الدينار الكويتي ب 54 جنية مصري لكن الكويت كدولة ليست قوة إقتصادية.
طيب كده مفيش اقتصاد و سعر الصرف مش في أيدينا ، كده مصر ممكن تقع و ميبقاش قادرين نعيش ؟
- مصر صعب جدا تقع رغم كل الظروف دي ، مش علشان ربنا بيحميها و احنا جامدين و الكلام ده ، الفكرة أن مصر فيها اقتصاد سوقي موازي ، بمعني أن في اقتصاد الدولة و في اقتصاد موازي للسوق ، مصر فيها فلوس كتير داخليا و الفلوس دي عماله تتنقل ما بنا و احنا بنحدد قيمتها الشرائية داخليا و هتفضل تدور ما بنا بلا زيادة أو نقص حتي لو القيمة انخفضت ده هيضمن الاستمرارية و عدم الوقوع .
طيب الديون اللي بقت علينا كتير و هيزيد التضخم ، كده تبقي كارثة لأن ممكن مصر تفلس ؟
- مفيش أي مشكلة إعلان إفلاس الدول ده مش معناه أنها خربت ، اليونان أعلنت إفلاسها 3 مرات و الأرجنتين 13 مره ، عادي جدا ، انتا بتتعامل مع دول مش شركة ، فالمليارات بالنسبة لدولة عادي جدا هنعيد الهيكلة و جدولة الديون ، و أعتقد أن تأثير ده علي الناس مش هيكون أسوء من الوضع الحالي .
يعني المفروض اقلق و لا اطمن ؟
- لا اطمن علي البلد و اقلق علي نفسك ، قوة مصر في شعبها مش في حكومتها ، و قوة الاقتصاد الموازي اقوي بكتير من الاقتصاد الرسمي ، و العقول الاقتصادية المصرية أذكي و اقوي بكتير من العقول الرسمية ..... دور علي حل ينمي اقتصادك الشخصي .
شاهد ايضا : 16 نصيحة قبل ما تبدأ مشروع جديد
الكاتب : شريف سعيد
