نصائح هامة لكي تصنع راتبك بنفسك - Make your salary
الموضوع ده مهم لكل الشباب و الناس اللي عايزة corporate jop اللي هو التوظيف داخل شركة ، إزاي تقدر تحصل علي وظيفة ؟ و ازاي مرتبك بيتحدد ؟ و ازاي مرتبك بيزيد ؟ و ليه الشركات ممكن ترفضك ؟ و ازاي توصل لشركات ال multinationals ؟
- لو انت طموحك أن تشتغل في أي شركة و السلام ، دي مفهاش مشكلة دور علي الوظائف الخالية في أي جورنال أو الانترنت ، و لو معاك وسطة يبقي انت مش محتاج تقرأ البوست ده .
أما لو عايز شركة كبيرة و بوزيشن كويس يبقي تركز معايا كويس .
أول حاجة لازم تفهم concept الشركات في التوظيف اية !
أي شركة عايزة أفضل مواصفات في الموظف بأقل راتب ، و كل ما الراتب يزيد ، متطلبات التوظيف تزيد و الشروط تبقي أصعب ، يعني الشركات بتتعامل بمبدأ هتدفع كام ، مقابل اية ، تقدر تعتبرها deal و مهمة Hr انه يعمل الصفقة دي .
أولا التعليم : لازم تعرف أن التعليم المصري غير مصنف في جودة التعليم العالمي و كلنا عارفين ده ، ف احنا بنتعامل مع شهادتك الجامعية علي انها شهادة لمحو الأمية فقط لا غير ، حاول تنسي فكرة انا مؤهل عالي و جامعي و الكلام ده ، طبعا استثناء من القاعدة دي الجامعات الأجنبية في مصر .
ثانيا اللغة : زمان الإنجليزية كانت لغة تانية، النهاردة هي اللغة الأولي، فلازم تتكلمها زي العربي كده ده موضوع منتهي ، و بعد كده ياريت يبقي في لغة تانية " فرنساوي ، روسي ، إسباني، صيني " ده بيرفع مرتبك و يزود نسبة قبولك ، ملحوظة مش لازم تكون بتتكلم زي الأجانب احنا بنراعي ده .
شاهد ايضا : قناة على اليوتيوب تقدم فيديوهات تعليم الانجليزية بطريقة سهلة
ثالثا الكمبيوتر : مفيش حاجة اسمها Icdl دي حاجة ابلغت خلاص أقل شهادة دلوقتي Ic3 ، و ياسلام لو oracle أو برمجة ، و شهادات الكمبيوتر بتبقي من شركات الكمبيوتر العالمية Microsoft , Oracle , Adobe, IBM
غير كده ده اسمه ولا حاجة ، مضيعش وقتك و فلوسك .
رابعا ال MBA أو الماجستير في إدارة الأعمال، بقي من الحاجات المهمة جدا و ممكن يزود مرتبك للضعف ، و بيخليك في المقدمة أثناء التوظيف أو الترقية ، لأننا بنعتبرك شخص محترف و شغال علي نفسه و مكلف نفسة فلازم نقدر ده 😉 ملحوظة مفيش حاجة اسمها mini MBA دي حاجة ممكن نرفضك بسببها قبل ما نعينك اصلا .
الكورسات احنا مبنعترفش بأي كورسات خصوصا التنمية البشرية و كده دي حاجة تنمي مهاراتك الشخصية لنفسك مش للشغل ، أوعي تفرح بالشهادات دي أو تحتها في ال CV ، المعترف بيه هو الدبلومات و الماجستير و الدكتوراه ، و الكورسات المتخصصة فقط
كده دي الحاجات الأساسية علشان نقول بسم الله
النصائح :
- علي قد ما تصرف علي نفسك ، الشغل هيصرف عليك ، لازم تحفظ المصطلح ده " استثمر في نفسك "
شاهد ايضا : ازاي تكسب فلوس كتير وتعمل مصدرين دخل في نفس الوقت
- الأولوية دايما للناس الناجحة في حياتها في العموم مش مجاله بس ، ركز علي هواياتك و الرياضة و الفن ، دول حاجات ليهم قيمة
- مهارات التواصل و ال body language مهم جدا .
- الثقة في النفس مهمة ، لأن أي إنسان ناجح واثق في نفسه .
- البدلة السوداء في interview كارثة علي فكرة .
- ال CV اللي انت طابعة في سيبر أو من الانترنت كفيل انه يخسرك كتير ، يعني واحد مش مهتم يعمل CV بنفسه أشغله ازاي
- الفشل و التجارب الفشله مهمة جدا ، لأن ده معناه انك شخص قوي و بتحاول و عندك خبرة و إصرار.
- أوعي تتكلم عن نفسك بمثالية أو ترد علي الأسئلة بطريقة نموذجية انت انسان خليك علي طبيعتك.
- الوظائف اللي بتشترط المظهر الجيد دائما بتعرفك من 3 حاجات " الجزمة، الساعة ، البرفيم " بالنسبة للبنات نزود الشنطة .
لازم تفهم أن كل ما تصرف علي نفسك هتاخد فلوس اكتر ، و كل ما مهاراتك تزيد احنا اللي هنقدملك ال offer و انت اللي تقرر
أصحاب البيزنس بيحسب انت تقدر تكسبه كام و علي أساسها بيحدد هو هيدفع لك كام ، علشان كده بتسمع عن مرتبات ممكن تفتكر ها ثروة و هي عادي جدا .
بلاش تضيع وقتك .... اشتغل علي نفسك
الكاتب : شريف سعيد
